#عادي عادي

[lsd-l]

النهاردة في أوبر كنت راكبة مع راجل عسلية أهلكه الزمن، من الناس الكبيرة اللي وشها سِمِح دي، من سوء الحظ كنت في أسوأ حالاتي .. فجأة إنهرت في العياط الهستيري وأعصابي فلتت مني تماماً وطبعاً هو أخد باله وسمعني وماسألش ولا أي حاجة بس فجأة لقيته إتكلم وقاللي :

بيقولك زمان كان في مَلِك جمع حكماء المدينة وقالهم إنه عايز أربع كلمات يكتبهم على سلسلته الفضة والأربع كلمات دول يجعلوا عنده قوة مالهاش نهاية يقدر يعدي بيها من كل حاجة وينتصر على كل شيء، فا حكيم منهم قاله أنا عندي الأربع كلمات اللي يهمّوك،

الملك قاله إيه هما؟

فا الحكيم رد وقاله "حتماً كل شيء سيزول"

الملك قاله يعني إيه؟

قال الحكيم إن فعلاً كل شيء بيزول، التعب، الموت، المواقف الصعبة، القلق والخوف، كل حاجة ليها وقتها وبتخلص وبتعدي، وإن الإنسان لو أدرك حاجة زي كدة مفيش حاجة هتهزمه .

المهم عمو ده بعد ماحكالي القصة دي قاللي عارفة، كل حاجة إتخلقت صغيرة وبتكبر ماعدا حاجة واحدة بس، عارفة إيه هي؟

قولتله لأ، فا قاللي "الحزن"

الحزن هو الحاجة الوحيدة اللي بتكون كبيرة جداً في أولها وبتصغر مع الوقت وبتعدي، علشان كدة ماينفعش نخلي حاجة تاخد أكبر من حجمها، وإن مفيش أي حاجة في الدنيا دي كلها تستاهل تعيطي عليها بالشكل ده أياً كانت هي إيه،

لأن حتماً كل شيء سيزول .

[sarrah]

نُص الأسبوع الاثنين يا سارة مش الثلاثاء، نص الاسبوع الاثنين 🤦🏻‍♀️

[littlekittycat]

كان في حد عاجبني انه مجتهد وشاطر موت وبيتطور كل يوم

لغاية ما بدأ يقول للناس انه مجتهد وشاطر موت وبيتطور كل يوم 🫠🫠🫠

[ii2xj]

Did you hear about the girl who lives in delusion?

[elsaqqa-4ever]

عااااااااادي

كلمة تختصر مافي القلب

[aloush77]

[esrasaroo2]

تصالح مع نفسك 🤣

[annooosha]

أنا أحبك . . في الأيام القاسية التي تمضي بصعوبة، وأحبك في أيام اللين التي تمضي بلحن سريع، وتترك خلفها الحنين، وأحبك فيما بينهما . . في الأيام الرتيبة التي تظن فيها بأنك أصبحت مع مرور الوقت شخصا عادياً بنظري، وإني أختارك بحب في كل مرة . . بالأمس، اليوم ، غدا .. و إلى الأبد .

[lsd-l]

[es-r-aa7]

بيعيش الإنسان عمره يضيف على الكوباية المليانة و يسيب الكوباية الفاضية..

و بعدين ناخد بالنا أن صنع المعروف فى غير أهله خيبه كبيرة و هدر طاقة و مجهود و نفسية و وقت .

و صنع المعروف مش المعاملة الحسنة لكن ليه كشخص اهتم بناس مش محتاجين اهتمامى ؟! ليه احط نفسي وسط جماعة لا بيتونسوا بيا و لا بتونس بيهم ؟

نملا كوبيات و حياة و مشاعر الناس ، و نسيب جوانا فاضى و باهت . ده كلام ؟ دا من صنع المعروف فى غير أهله لاقى مثل ما لاقى مجير ام عامر

و ده واحد إعرابى خدته إنسانيته أنه يساعد ام عامر (اللى هى انثى الضبع )

كان يوم صيد و لقوها فى الصحراء ،فجت جنب اخينا و استجارت بيه . فراح اخينا مشوح بسيفه و قايلاهم ابدا محدش يصطادها .. و جاب لها اكل و قعد جنبها و بالليل نام جنبها .

و تانى يوم اصحاب الاعرابى لقوه جثة . ام عامر جاعت بالليل فقتلته و شربت دمه .

فكل ما تاخدك الجلالة . أوعى تودى جهدك و عمرك لام عامر و منرجعش نندم و نستغرب ليه اتمص دمنا ؟!🤷🏻‍♀️

لا يلدغ المؤمن من جحرا مرتين و اكبر لدغة هى سرقة الوقت و الطاقة

[sarrah]

الواحد مش عارف بعد ما الماسكرا والأيلاينر الأصليين ما يخلصوا هيرجع للمضروب إزاي؟ 🥲

[ombrecimmerienne]

كنت شغاله لحد وكان جايب ابنه معاه، ف كان قاعد ماسك الموبايل شوية يشغل فيديوهات وشويه شغل أغاني وهكذا، كان قالب الدنيا فعلا، لما طوّلنا شوية وهو زهق قام كلم مامته قالها "تعاليلنا بسرعه". ده بالظبط إللي بيبقى نفسي أعمله إني أكلم ماما في نص اليوم أقولها تعالي لي بسرعه. خديني. استأذنيلي. الحقيقه كنت غيرانه جدا إنه عملها بسهوله وأنا مبعرفش أعملها.

[ii2xj]

you're different type of disappointed.

[elsaqqa-4ever]

هو ده السر.

[reem-abdullah3]

نفسي أروح المستشفى وآخذ سكليف لبكرا بس برضوا نفسي تكره المستشفيات ومدري شتسوي فيها كنها بزر 😭

[mirhannnn]